【Stock Research】投資高息股亞太衛星須知 (亞太衛星 1045.hk -第三集)


上次講到亞太衛星發射憑著衛星稱霸左全世界75%生意,但稱霸之後是否可以維持?今次會繼續講下

市場佔有率

自2015年到2021年亞太衛星都會離不開一個詞語,發射器供過於求。


上述為2015年年報



上述為2021年版本

有一點幾有趣既係,1045亞太衛星自2014年開始不斷提及衛星轉發器供過於求,長達8年。因此大家係年報上會見到亞太衛星需要不斷射新衛星以維持高世界市佔率。

雖然集團係2016年開始已經講佔世界市場達75% ,但究竟會唔會有風險呢? 


Point a & b 其實每次射衛星上去之前都會提及,但之後都好似會perform 到,所以可以展時不理。

但係Point c 就可以留意一下,當中有提及過不同頻段,在此不再詳細講明

傳送門:https://arshouinvest.blogspot.com/2022/06/portfolio-review.html

轉發器中心轉移

其實亞太衛星早期為搶佔市場佔有率,因此衛星配以C頻段發射器佔大多數,畢竟C頻段最大好處就係範圍廣,但係可以通過"雨衰" 既能力就真係力有不逮。因此,轉移Ku/ Ka 穿透力更強,受雨衰影響較小,其實會更進取既做法(👍)

因為Ku/Ka 頻段屬於高吞吐量轉發器,尤其目前大家對於電視,圖像畫質,信息接受要求大大提高,啊壽找到一段有關高吞吐量衛星影片對人們生活影響,大家可以先有一個概念。


當然之前你會見到衛星訊息傳送出現誤差,但由於當時接收站仍然未能夠做到全範圍覆蓋,而2020年亦已經做到全覆蓋,其實啊壽因為一次意外,曾經到過重慶派出所,而當中你估唔到既係當你行過派出所走廊,基本上你會見到一個極大螢幕,基本上可以做到預測人既基本資料,而當中畫質基本上達到高清情況,而且具備有錄影功能。

而有一點想講既係,公司2008年決定走出去,接國外生意,同樣屬於一個中心外移既情況,而今次棄用能覆蓋廣泛地方既C頻轉到Ka/Ku 是否真係可以?呢部分真係要睇翻公司過往表現能夠說服到你,從而到今次轉移中心既決定。而啊壽會否持有,將會係之後講到。

外在競爭風險

當然,講到風險,當然不可不提就係Elon Musk既星鏈 Starlink及 英國Oneweb 衛星公司(之前無左SoftBank 灌水,現由英國政府10億美金接手)其實,大家都可以見到,衛星生意催政治化,但依舊仍然屬於稀缺資源,畢竟發射衛星涉及成本不低,又會有幾多間公司可以某然入場。

值得一提既係,英國政府係資源緊張情況下都接管衛星公司oneweb ,可見大家對太空資源既重視,而當中爭奪的就係將會是國與國之間的角力。因此,我地見到2014-2021年整整8年時間都會提及收到市場競爭,基本上年報並無保守陳述,而是千真萬確。

盈利受到挑戰


啊壽曾因為想了解亞太衛星, 都有搜尋過當中資料,香港並沒有youtuber/ blogger 詳細提及過,但相反內地則有一個詳細描述,而係財務部分提及到係EBITDA ,亞太衛星基本上每次都會非常自豪講我自己公司個EBITDA 有幾高,但係衛星可以講折舊非常大,畢竟一顆衛星最長只有15年壽命,短則3年就玩完,啊壽自己保守D,睇翻Profit Margin 會好D。


如果你單睇年報EBITDA , 你會覺得亞太衛星真係非常好股,因為從2014年 74.73% 慢慢增至 2019 年84.49% ,但實際情況係自2017年每年下降,而2019-2020年失去印尼電信大客戶,按之前中國衛星IPO 10大客戶情況,當中金額失去配對一下,印尼電信合約到期後就無再續約。

因此當有重大客戶一走,基本上對於盈利扣成頗大影響。

派息能力

其實講甘多,你都會覺得講經咩,買唔買先?! 

大家真係要睇多小小,大家都見到盈利下跌,就算2019-2020年度失去左印尼電信大客戶都好,派息真係未有缺席(由2016-2021年)

基本上都係年年升。點解? 無他,調高派息比率

其實自從整個中國航天科技集團重新改組過後,基本上有中好強輸血既感覺。大家可以睇翻中國衛通ipo 幅圖,雖然都幾年前,但係啊壽再睇翻最近中國衛通報告,基本上持股並沒有變化。



中國衛通到2021年依舊持有亞太衛星42.86%,而唯一上圖並沒有提及既係

連同航天科技集團控股持有既航天科技衛星控股,如計及中國衛通,基本上持股比例實際是57.14% 。

去到呢度,相信都唔難理解亞太衛星實際係控股機制上既作用係咩,產生現金流工具供應比中國衛通以至最重母公司,所以你會見到亞太係去到能派盡量派既功能,亦解析到盈利下跌,但大幅調升派息比率舉動。

總結

亞太衛星生意能否做大取決於不單商業上而且仍有政治上考量,而爭取市場份額有機會出現減價情況,而且其他國家紛紛進入衛星市場,能否依舊覆蓋到全世界75%? 這個仍有相當大的疑問。

公司再一次改變策略專注Ka Ku 轉發站,能否如之前走出去策略成功?專注高吞吐量,具有強穿透力,但覆蓋範圍相對小係轉發器,能否更凸顯自身價值對外競爭,這個就真係靠管理層對業務前景預測是否正確,自己會先投下信任一票,當然因為最後一點。

最後一點就係,作為輸血一員,基本上都會想參與,其實能否轉型成功按目前情況及需求當然係正確,但能否perform 到就要再睇,但目前能派盡派既情況下,其實都會先買入再觀察,但收住錢睇公司成功,其實相對黎講係舒服好多。
上述文章亦在啊壽的投資星球FB 或 StockViva 中刊登


Next Project

留言

  1. nice sharing, my cost is $2.45 long time ago ^^

    回覆刪除
    回覆
    1. 其實都係Group友當時有買,先引起我注意之後再細望一下當中價值,我有計算過如果之後每年-2% 目前仍然吸引,但衛星業務異常政治生意,波動交大,因此暫時只能每年觀察

      刪除
  2. 我又估唔到相對冷門既股都有人睇到

    回覆刪除
  3. Hi 啊壽,
    文中亞太衛星佔全世界75%市場份額有誤,我想應該係cover 75%既地域或者人口?
    以下既衛星公司全部都比亞太衛星大: SES, Intelsat, Eutelsat, Telesat, SPJsat

    回覆刪除
    回覆
    1. 亞太的確係非常細,我暫時未有打算買外國,因為我港幣收息其實都相對小,你都知道我通常都係持有 659 331 1883 多,其實我都希望多小小持有港股,特別係呢個大家都睇唔好既市況下

      刪除

張貼留言

謝謝支持
記得支持一下啊壽的投資星球的廣告 及
Follow 啊壽個Blog 以便收到啊壽最新訊息