新ETF巡禮－中國科技ETF每年派息高達64.2％

 

新ETF巡禮－KLIP

其實最近好多人都會提及，國內經濟不容樂觀，內房泡沫爆，爛尾樓一街都係，就算閒置資金都未必有可能入市等等說法。

相信大家都不需要啊壽再quote 任何新聞及video, 都意識到中國經濟有什麼問題

嘗試一下，行離開一下想想，如之後世界和平時候的景象，這刻的你應該做什麼？ 還是之後見到市場上升才追入？

頭盔mode: 當然並不是叫你現在就立馬買入，只是大家可以留意一下

今次想同大家講講的就係KLIP， 在簡介KLIP 之前，大家可以先看看KLIP Top 10 holding :

主要持有KWEB ETF 因此我們需要先了解KWEB 持股：

打算買入KLIP，需要先了解KWEB

KWEB 算屬於大包圍國內頭10大電商及社交網絡公司，上述頭10大持股基本上已經佔據61% ，當然那今時今日進場你應該會好傷心.

由年初USD$31.80 , 最低見過USD$24.95 ，收市價：USD $27.56 ,持有至今基本上虧損13.33% 

再睇多小許，KWEB ETF 2013年7月已經launch ，如果你真係持有10年至今年7月，亦只有29.33% 

你一定會講“我打你個肺咩”啊壽，甘你都好意思講，呢D垃圾ETF，走啦！

真心，我自己都唔會買，但係點解都會講下，因為大家睇新聞的時候，儘管電視上的股評人，都“淡到啊媽都唔認得” 所以先有小許價值望下，尤其是大家都講淡的時候，嘗試睇定將來會出現的情況。

都係個句，並非叫大家即時買入，而是如果出現2020年個種“Delete 股票App , 斬手指唔買股”的狀態下，你會買的投資標的是什麼？而非世界和平後先再度下買咩，因為當時候你就會覺得呢個講既又好，呢個推介又正，當然啦，個市都升咩都對.....

講翻KLIP　ETF 結構：

大家都容易理解到，KLIP 其實係一隻KWEB Covered Call 版本，這個架構相對於其他同樣 Covered Call ETF 相對而言容易理解

首先，大家都見到基金持有超過100% KWEB ETF 即係說，KLIP ETF 管理人開槓桿持有KWEB ETF ,  以防KLIP ETF 開的Short Call  走貨時候，有貨比對家。

因此大家另一個焦點，就是這個架構能否支持派息，而值得一提，KLIP屬於每月派發：

由於KLIP ETF 今年1月先開始，因此派息記錄到目前為止只有6個月顯示，啊壽通常會以一個比較負面心態下計算即係以2.31%（月派息率） 簡單x 12 個月 其實已經達到27.72% yield （扣稅後仍有19.404%）

當然，大家買入收息野既時候，都會考慮到價格上變動，會否賺息蝕價，這一點絕對"是" 

情況一（負面情況）：

由第一派息價格$24.24 到6月$18.6 , 單單半年就已經下跌23.27% ，基本上收取的基金派息，全部收唔翻之餘仲要蝕D出街。

觀點二（小許樂觀）：

當然，如果你用4.46% 計算，其實成件事觀感會差好遠， 因為yiedl 已經去到53.52% （扣稅後37.46%） 就算價蝕，派息都可以補償。

基金管理費：

當然，KLIP ETF 管理費並不屬於低，因為這屬於基金中的基金，需要支付KWEB ETF 管理費之餘(0.65%)  同時基金都有自己費用，加總為0.95% 

因此，何時買入此ETF 成為關鍵，

所以買入價格就成為主要關鍵

當然大家有投資開ETF都知道有 NAV（資產净值），好多時候都會睇番基金現價屬於“Trade at premium" 還是　“Trade at discount”。由於KLIP　ETF　成立至今並沒有一個可參考性的記錄（自成立至今只有6個月），更可況當中涉及Covered call premium　未能完全反映到真實情況。

因此厘定貴定平，目前可以折衷檢視KLIP　ETF其持股最多的KWEB　ETF，當然數據上會多好多，從上圖知道KWEB　最大Trade at discount 為2022年3月，而當時正是，美國對中國企業在美上市公司的審計報告存有疑惑，因此最直接放映在股價及投資者反應上，從而出現5％以上的trade at discount 情況＊。

＊而在2023年數據上，由於頭三個季度都只有上下2％，因此都沒有什麽特別再説明，相對大波幅在官網可采摘的數據上就只有2022年

嘗試使用統計角度去睇KWEB　目前處於的位置與大家心中的預期，以2020年開始計算，其實目前KWEB　仍然未去到上年3月，亦即是美國上市公司會計監督委員會報告顯示兩間會計師事務所的審計工作存在不可接受的缺陷。

而目前ETF價格，亦未到達大家最悲觀的程度。然而，大家可以嘗試留意KWEB　從而決定何時買入KLIP，當然KLIP　上下波幅會比KWEB爲大，畢竟組合有Covered Call 情況有如之前提及過的LQDW相類似，同樣會有call 貨風險，如之後KWEB　出現升勢，KLIP　未必跟足：

詳細可看下文：

https://www.arshouinvest.com/2023/03/3x.html

當然，KLIP仍有其吸引力，每月派息之餘，如中國經濟出現fight back，仍可享有相近升幅，都係個句，買入此ETF需要特別留意買入時機，不要以爲每月派息下掉以輕心。