【2022年組合全年回報】組合分佈及檢討及年內交易動作

其實自己係blog界別中應該相當低調，因為原來大家都會係年底會講翻自己回報有幾多。

但自己本身都係投資界別的小薯，基本上自己每次投資上的學習都來自個人經歷及大學時期學到的知識去決定。

既然係傳統，甘我都報下數，今年小弟整體回報係 -5.38%  

其實自己整體組合主要差不多均分個1/4 在加拿大，英國，香港，美國， 其實都係收息為主。

如2021年啊壽自己都有寫過一次自己組合：

https://arshouinvest.blogspot.com/2021/07/performance2021-6.html

2021年6月

如果你有睇文，你既感覺應該都同我一樣，點解會買香港房地產信託（除823.hk）, 的確當時都因為疫情下出現價格下滑情況才會決定買入，但可惜的是，接二連三的減派都使我同香港房地產信託來個了斷，而且差不多將所有新加坡房地產信託全沽出。

小交易次數

而今年最大分別就係非常做小很多交易，主要開始計算股價價值，而且在月尾開始嘗試用python 計算過往股價走勢後，推算出將來股價走勢，因此set 多左Good to Cancel order , 特別再9-11月時候市況大跌時候中左好幾個order， 避免自己受情緒影響到決定。

堅持現金流打法

整個過程中，其實啊壽都有同Group友一起傾投資時候，其實大家都有不同投資取向，特別在大家利用期權及短炒下如何爭取更超額回報，但自己呢一年都真係多左小小野做不論在學習及副業上，因此都沒有太多時間做到更多投資。

而幸好在這個過程中更加體驗到，現金流打法既好處而由於多左計算股價價值下，自己由之前投資債券及ETD 情況下，自己更偏向投資股票務求爭取更多回報，因為實在非常想實踐一下自己計算出來的成果。其實在大跌市及美國大幅度加息情況下，都有Group 講點解唔左定期，其實好奇怪，跌市會唔會嘗試留意一下股票係低位買入，唔會更加可取嗎？

當然都會有Group友問，點解你唔買債，相信每個人情況都有唔同，自己都仍然依舊想買入可為組合爭取更大回報的資產。

2023年加息週期下，啊壽會認為的情況

同大家一般預期，基本上都會認為加息情況會持續，但來年的會否預期減息，相信未必會，但相信會持續維持高息，但加息幅度應該未如上一年般大，因此今年會買入銀行股不論加拿大，英國及美國，而香港則未必會考慮（唔好問點解）。

而今年再跌市市況下，幸好都有SP 賺取期權金，當然行使價都係自己想接既價錢。在大幅度修剪前期組合，不斷剪掉ETD 及優先股，基本上之餘下8.2% , 一來係partnership 模式下會收取10%稅，因此都會先行沽出，亦將槓桿減低至1.2x 以下。

2023年的不確定

其實再2022年年尾，最意想不到的是國內解放檢疫窗口如此的大， 基本上好多人都充滿期待覺得開關伴隨著經濟復甦，而市場上亦反映而上升，但其實有留意內地新聞， 基本上有會有深思一翻，因此傾向國企似乎屬於比較可取情況，當然這並不是介紹，自己亦之後小量內地exposure, 基本個人取向係有空間先會考慮，相反自己就會多留意美國國債，相信會有一段時間可以收集，保存一下攻擊力, 盡量避免去人多急迫既地方。

而計及今年債及股息

預計大概CAD 27,551 ， 當然黎緊這一年期望可以Double，起碼可以過到一定水平，雖然啊壽目前並是打算移民， 但是相信這一年有機會是更為享受到現金流運作的好處，亦希望再風險與進取營運中作出平衡。