【Blog】從黃國英復出訪問有感!


 

今日見到黃國英講翻閉關呢幾年既感受,其實都有幾個感覺。

感慨,時間,檢討,平衡

訪問中,其實真係好少有見到一個股評人/基金經理係訪問中坦承承認自己過氣之餘仲會承認自己有可能能力不及有退出意思,啊壽從大學時期開始睇經濟周刊報紙等,能夠有勇氣既真係無/少見。訪問中都覺得Alex 少左個種意氣風發既模樣。


https://www.youtube.com/watch?v=8_wgU5HKRQc&ab_channel=%E7%B6%93%E6%BF%9F%E4%B8%80%E9%80%B1EDigest

感慨

大學時期幸好上到黃國英投資班,曾經做過Alex學生,到目前我都有保留Alex 既notes , 我學到既係,基本上無論經濟有幾差都好其實都有部分公司或商業唔算極度受到經濟環境所拖累,只係你有無能力找到,某程度上我開blog 都係認同Alex 投資概念。

其實見到Alex閉關一年後都感覺到,遇到既投資困難真係唔容易搵到食,加上啊壽曾經上過Alex堂,真心上過堂既人基本上都唔容易跟到Alex 全套投資邏輯唔容易跟,基本上你拿到部分都已經好厲害,因為你切買入切入點都會成為你關鍵。

其實Alex 早年已經提及過Tesla ,當時Tesla都只係$30幾,絕對唔係而家$889 甚至之前$1000 水平,但真係當中遇到既風浪,係你少D堅持少D信念,基本上都會拋出車外,同時當時Tesla 並沒有太多好明確數據而且仍然未有盈利,你只能夠講信心真係好緊要。

真係好想講局”葉師傅,無甘易噶“

時間

整個訪問中啊壽最感受到時間係好殘酷,既係你朋友亦會係你最大敵人,時間一日一日甘過去,以拒呢個作戰模式基本上都好難堅持,每晚斷開睡眠基本上都好難連續維持,而且都講明意志可以但係身體都挨唔到,加上基金要追回報,你想長線持有,但係都只能短炒追數,呢個都係時間最大既問題。

當然拒都好老實一係就老鬼打法,長線投資除非基金已經打氣翻既時候,但係追業績都要係風險同回報取捨,而且比到我最大既感覺有一句”如果呢半年都打唔翻起,基本都會收皮“(先估勿論,係真定假)但係一個股評人甘當面講出收檔真係唔容易。

我自己都曾經上過Alex堂,當然都會嘗試一下打法,但係真係好容易會漏招,因為並沒有一個固定公式,固定招數去決定買邊一隻股票,而且最重要取決於投資經驗,選擇一隻有機會爆既股票。爆到就係好既時間,唔爆就真係浪費時間。

嘗試舉例,課堂上有講過Facebook , Tesla, V, Google 等, 當然有講但係無爆既就係之前由上市合興集團(00047.hk)當時講係$0.58左右 而家直頭0.08仙私有化,因為當時合興進軍華南市場,最大買入原因係,如果好似大家樂可以攻破一個地區,之後再係其他中國其他城市就更加值得憧憬。~~~~最後,當然就~~~~ 

檢討

上一段提及過時間,其實我真係嘗試過後我真係好難預計,同執行當中策略,因此自己只能夠轉換現金流打法,因為組合中並沒有一個好持續買貨既資金供應,畢竟我並非全職去捕每一個機會同睇一隻股票,因此只能夠轉另一個打法。

當其時同另一個投資友提及,我買股都係按自己工作,興趣時間而定投資方法,但投資友就覺得進取搵隻爆股一注賭贏買爆,但自己真係嘗試過唔適合自己就算。

睇翻Alex 今次訪問,最大感覺係你點樣個可以了解自己當下決定,搵一個適合自己方法,搵翻之前notes 基本上都係嘗試搵一個屬於自己既方法。

我買既,並不等於適合你,你買既亦未必適合我,每個人都會有不同投資去向,絕對無對錯。最重要係你知道自己買緊咩,如果真係不似預期,就真係cut loss / take profit 先。上Alex 堂最重要最大的著係無時無刻要理解自己當刻心情及情緒。

平衡

回報同風險絕對有關係,真係再老生常談不過,但係取捨平衡真係好重要,唔係我唔想去追而係市況是否容許,同時係你自己本身心理質素食唔食得住,因為有時候係你未去大bottom line 自己已經驚定先,好老實我唔係扮專家,我真係經歷過後明明計好數未到bottom line 但係已經情緒上定唔住,基本上呢part 更加無一本通書。

我睇完Alex個訪問,我自己都會覺得自己係輸緊2比0,因為原定係望係呢年尾可以做到每月派2萬,但而家真係lag behind 得好緊要,當然之前我都沽出GEO 債,刻意減低槓桿,但啊壽覺得需要減低風險,既然GEO 2023年債唔再洗我自己當初買入既心態,就不如先走,再留少量經歷下bond extend. 

其實,我都有想過會唔會0槓桿? 但我自己真係未必接受到,畢竟我自己真係都會追數,真係未到數,一直都好希望可以有機會可以比我再儲貨。

無錯! 我仍然都係現金流,high yield seeker 希望除了我自己分享外,亦希望其他網友可以經量提供,我自己會真係詳細睇下,可能睇得慢,但係我真係會睇,希望大家可以多點交流。

上述文章亦刊登在StockViva:

Next Project

留言